中環職場忙碌，家庭事務往往要兩公婆好好合作。好似滙豐環球投資管理亞太區行政總裁Joanna文雅莉咁，未請到全職保母，佢個園丁老公唔單止煮得一手好餸，依家仲暫代保母一職，接送兩個囝囝返學放學添！
其實Joanna一家真係已經融入晒香港生活，席間有人讚佢揸筷子揸得好，佢就回憶當年去上海食中菜，喺飯桌會轉嘅圓盤上用筷子夾餸，點知一出手啲餸就飛咗過對面，嚇到侍應即刻換番副刀叉畀佢，睇嚟佢依家餐桌嘅功力，都係經過一番苦練。