SUN熱辣：網民斥死性不改映衰教友

曾蔭權昨日公開「解畫」，辯稱公務生涯一直按規矩辦事，有關言論一出，即遭網民連番揶揄、怒罵，有網民怒斥說︰「唔係我哋期望同要求高咗，係特狗（曾蔭權）你對自己要求愈嚟愈低，返到四十年前冇ICAC嘅年代。」有網民則創作一首名為「爆煲呔」的歌曲，諷刺曾的劣行。

籲設「曾水扁富豪套餐」

特首辦facebook在一小時內收到逾二百個留言，批評曾在狡辯，有網民說︰「將自己貪污的行為講成市民今時今日要求有變，死性不改，偽君子！請你（曾蔭權）不要每朝去教堂，影（映）衰教友！」 有網友甚至揶揄曾一家是「愛貪是家庭」；另有網民呼籲全港食肆設立「曾水扁富豪套餐」，即豬骨粥加豉油王炒麵，希望數十年後，市民仍記得香港曾有一個「禍港殃民」的貪官。

此外，除了有網民改圖將曾蔭權化身為囚犯外，亦有人把宴會套餐改圖，推出天價的特首官商勾結、利益輸送、劫貧濟富主題套餐。

另外，有網民聲稱已去信英國政府，要求褫奪其爵士封號；更有人聲言「要推到曾生坐監，向曾蔭權說不！」

網民留言

Alex Chan：

「香港市民畀你（曾蔭權）呃咗45年，到最後做到特首最後一年先至發現你的貪婪，你真係叻仔，抵讚！」

Gsk Ng：

「將自己貪污的行為講成市民今時今日要求有變，死性不改，偽君子！請你（曾蔭權）不要每朝去教堂，影（映）衰教友！」

WaitkaiTsang：

「我哋嘅要求不嬲冇變，係你（曾蔭權）一直對廉潔要求低啫！」

絕世長空：

「曾特狗（曾蔭權）你和市民的落差都好大，但無知唔代表無罪，經一事長一智，係（喺）監倉慢慢反思啦！」