SUN微博：打橫嚟講：令壽堂，好嗎？

作為警務處處長，曾偉雄竟不敢公開面對各大傳媒，當眾講宣布引入「辱警罪」，只鬼鬼祟祟的自約一家電視台獨家「訪問」。

曾偉雄處長聲稱，前線交通警員出勤時，常遭無理指罵，故有必要考慮引入「外國」的做法（又崇洋），訂立「辱警罪」，此言一出，即被大學法律教授指此提議荒謬，因現行早有「襲警罪」和「阻差辦公」等一面倒傾斜警方的法例，毋須架床疊屋為惡法充權；其次，如何定義「辱警」呢？用粗言穢語咒罵就話係吖？咁畫漫畫諷刺呢？寫文章批評呢？又點？又或者作詩描述一隻甩毛禿鷹有眼疾，經常見黑影幢幢，會不會犯法？

仲有，在語境學上，當口當面×交叉你個人，算係侮辱你吖！若×交叉你老母，又得唔得呢？如果×「你老母」便被判辱警罪，咁×「你老竇」又點呢？你表妹親戚同學鄰居都受特權保護囉？

「人必自侮而後人侮之」，乃孟子箴言，不想被人侮辱，不如以身作則，為市民服務，受人愛戴為尚，而非鬼祟行事，借「交通警」一次半次的單一事件過橋，推行「廿三條」分拆惡法嘅！即係如我們不會見有警長開淫亂派對，或者在警署內非禮報案女士，甚至行咇時蛇王瞓覺，就話全部警察唔啱，我們只會理性地看到警務處長管理不善啫！

嗱！我真心o架！曾處長，請代我衷心問候令壽堂，唔該！

彭志銘

次文化考古學家，對城中潮語有深入研究，博徵博引，廢官廢人行埋一邊。

政治人物惹桃色醜聞

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！