政壇：搞搞政：鼠王芬反叛洗頭拜年
立法會議員「鼠王芬」梁美芬尋日喺港台節目《舊日的足跡》真情剖白，話以前嘅年代重男輕女，由細到大都冇人教佢做淑女嘅儀態，但父母嘅放手反而造就佢變成「惹火芬」。佢話一向好反叛，人哋話新年唔可以洗頭，佢就偏偏洗濕個頭去拜年同人作對，到入大學更由「反叛芬」變成憤世嫉俗嘅「惹火芬」，一半時間都在寫大字報。
父母嘅放手亦令鼠王芬明白要畀小朋友自由發展，令佢今日成為「放任媽媽」。佢兩個囝囝都係好含蓄，有一次仲問佢：「媽咪，你以前未做立法會議員時好醒㗎，做咗之後蠢咗呀！」放任芬甜絲絲話，可見囝囝係幾關心佢喎，仲話甘願做囝囝嘅發洩對象！原來畀囝囝笑自己蠢都可以咁開心。
設計圖片及對白