特首候選人CY梁振英尋日喺中環搞咗個新書簽名會，本書由多位支持者共同撰寫，最特別係搵到大佢五年嘅家姐梁桂香出手，回憶兩姊弟兒時嘅點滴，而「影帝」黃秋生亦應邀到場打氣。秋生大讚CY有義氣、沉穩踏實、思路清晰有口才，但佢今次出席只係撐本書喎。問佢覺唔覺CY似「狼」時，佢即時話：「係就好囉，你鍾意一隻狼、一隻虎做領導人，定一隻雞、一隻鴨，或者一隻豬做吖？」佢咁講，擺明就係寸另一候選人唐唐唔應該做特首喇！
黃秋生（右）出席CY簽名會，暗寸被形容為豬嘅唐英年唔適合做特首。
