街市色魔示眾逾百街坊圍罵

街市色魔「示眾」，百人怒罵！鴨脷洲邨六呎街巿色魔落網後，疑犯昨被警方押返案發現場重組案情，交代他跟蹤受害少女至鴨脷洲邨巴士總站落車，尾隨百米至街市內施暴，其後跨欄跳落五米高斜坡逃去。疑犯「遊街示眾」時，逾百街坊圍觀指罵，有女街坊對色魔被擒額手稱慶；昨日疑犯已被警方落案控以一項強姦罪，今日在東區裁判法院提堂。

昨晨八時許，警方進行重組案情，機動部隊及軍裝警員共逾百人到場維持秩序，港島總區重案組探員押同姓張（二十八歲）疑犯抵達鴨脷洲邨巴士總站，疑犯落車後步行百米至鴨脷洲邨利宜樓對開街巿，街巿如常運作，疑犯由探員押入街巿案發攤檔，逗留十五分鐘後，便步向街巿另一出口，走到百米外的利宜樓對開公園，現場有一道鐵欄，對落是五米斜坡，山坡下是海怡路，顯示色魔在犯案後，走到該鐵欄跳落海怡路逃走，至海怡半島第三座附近，進入地下停車場，再在第六座附近返回地面，相信疑犯於該處截車逃去。

「唔使提心吊膽」

重組案情過程歷時約一小時，吸引逾百巿民圍觀並議論紛紛。盧太對色魔落網大拍手掌，「拉咗個色魔，真係大快人心！」她亦為女受害人難過，指「人哋二十幾歲，咁就毀咗人一生！」楊小姐稱：「真係好，拉咗個色魔，街坊唔使再提心吊膽！」姓范女初中生表示，「總算鬆一口氣，自從案發後，自己出入都小心咗！」

案發上月二十六日大年初四凌晨三時，一名「高佬」在鴨脷洲邨街巿向夜歸少女施暴。港島總區重案組及情報組「追魔」一個月，根據閉路電視影像鎖定疑犯，並在巴士及消費場所的八達通紀錄追尋其行蹤，上周六晚疑犯在尖沙咀一商場購物時，被探員拘捕。