遊行人士鬧爆
尹先生（公務員）：我哋公務員對涉及好似曾蔭權嘅利益事件會好嚴謹，同有工作聯繫嘅私人公司食飯都唔敢，食都要申報，每餐唔可以多過八十蚊，但曾身為公務員之首竟然咁，成日話憑良心做事，究竟佢良心去咗邊？今日特登帶埋囡囡，等佢學吓點明辨是非。
吳先生（退休公務員）：我有同事同曾蔭權共事過，感覺佢成日貪小便宜，連辦公室文具都『好珍惜』唔放過，性格自大又自卑，操守總係好似有問題，今次更令我痛心，六歲都知要廉潔，偏偏佢六十幾歲人都唔識，諸多藉口兼歪理，佢唔單止要向立會解釋，仲要下台！
謝同學（理大副學士）：曾蔭權身為公職人員，但又接受款待坐遊艇、租豪宅好唔應該，為青少年做咗個好壞嘅榜樣，依家貧富懸殊咁嚴重，基層市民會特別憤怒，我哋修讀社會福利嘅就更加有同感，曾蔭權應該盡快交代。」
尹先生
吳先生
謝同學