CULTURE噏：男仔學化妝需雙倍努力
具有多年教授化妝經驗，亦是iMAKEUP WORKSHOP創辦人及導師的王穎表示，與女士相比，男士學化妝是「難上加難」。「女仔較注重外表，至少會有基本嘅護膚觀念。但好多男仔連洗面應該係點都唔知，所以佢哋要付出雙倍努力及心機。」她又表示，男士化妝在日本、台灣等地流行多時，近年才開始為港男接受。
愈來愈多年輕港男化妝，王穎認為有兩個原因。第一，社會進步令人更着重儀容。「整個社會富裕咗，令人有更多時間同心機去打扮自己。」第二是商業因素，近年的男士美容服務，如雨後春筍，「愈嚟愈多品牌推出男士產品，又請男明星做代言人，營造男士都要扮靚嘅潮流，也令大眾對男士化妝嘅接受程度亦逐步提高。」
iMAKEUP WORKSHOP創辦人及導師的王穎