政壇：陳淑莊寸經濟價坐頭等
醜聞中嘅煲呔曾近排人氣爆燈，更因為黐富商，成為社交場合唧噚嘅焦點。立法會議員陳淑莊尋日出席一個有機菜嘅活動時，都忍唔住揶揄兩句，以飛機嘅唔同艙位嚟形容有機菜同普通菜，佢話：「你搭飛機畀咗頭等艙嘅價錢，都唔想坐經濟艙啦，你估好似有啲人咁，畀經濟客位價錢，就可以坐豪華客位咩？」其實，有人係坐私人飛機呀，比頭等艙仲矜貴。
又係嘅，煲呔曾坐完私人遊艇同私人飛機後，以為畀番公共運輸工具嘅市價票值就算數，真係既低劣又低莊，幼稚園學生都知道魚翅同粉絲有分別喇，食完魚翅、畀碗粉絲價就叫兩清咩？有邊個小市民可以享受呢種優惠呀？赤裸裸貪污完，事後仲要扮君子，煲呔曾真係不知所謂。