SUN微博：打橫嚟講：政棍照妖鏡

唐唐的深宮密室地下情，由醜聞變危機，完完全全顯示此少爺仔的弱智與低能，怪不得今天最新民調，過半數港人支持他——躝屍趷路，死Q開，快退選。

唐唐誠信破產，名譽掃地就肯定o架嘞！同時，誘發特首選舉鬧劇新一章，兼送港人一面清澈的照妖鏡。

唐唐出事，掃把頭乘人之危，撲出來先大罵可恥，後說有意參選，擺明係執死雞搵着數，想擸走民建聯和工聯會的建制派鐵票，此關鍵時刻，殺出曾鈺成此攔路虎，話就話，佢都在考慮參選，實則是一掃把頭，叫佢唔好攪亂檔，博懵入閘。

係人都知，唐唐嘅後台，未叫唐唐收韁，佢仍須努力去跑，你掃把頭有乜Quali話玩就玩，破壞全盤大局？就算唐唐真係臨時「腳痛」不能出賽，後備黑馬仲有大把，幾時到你掃把頭自把自為吖？咪添煩添亂啦！唔該！唔該照吓盆水再講！

一個地方首長選舉，本是莊嚴有序的，若有政棍想發死人財，攪局抽水，由君子之爭，弄到泥漿摔角，勿說中央阿爺唔想見到，就是我等一介草民，也不齒此種不道德的惡行，遂必須譴責。

話說回來，規行矩步的曾鈺成怎想參選吖？只是接了Order，幫手buy time及引開視線，好等唐大少喘氣後，再部署重新上路啫！信我啦！

歡迎add我facebook一齊鬧爆夕陽政府

就係咁爆：你點睇權貴高官僭建

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！