政壇：政商定格：王國興潘佩璆穿崩大老倌
新光戲院續約，一直收集市民簽名保留新光嘅工聯會立法會議員王國興同潘珮璆，尋日特登着起戲服扮粵劇大老倌，兩人唔理戴咗眼鏡同着皮鞋大穿崩，好似大細路咁通街走慶祝，笑騎騎好亢奮。
阿王仲趁機踩夕陽政府一腳，佢話：「政府喺搶救新光戲院上零支援，感到失望、遺憾同憤怒，市民唔可以寄望新光續約四年又四年，新光係集體回憶，如非得到有心人，大業主既出錢出力，新光已經唔存在。」佢希望下屆政府成立保育本土文化基金，畀藝術團體同投資者申請。
王國興（左）同潘佩璆着古裝戴眼鏡，十分怪相。