政壇：陳趙滿菊情傾中國風
日前喺一個春茗活動上，見到保良局前主席陳亨利太太、國際華商協進會會長Joise陳趙滿菊，佢着件桃紅色鬆身外套，衣襬繡上精緻嘅花花圖案，不經意散發淡淡嘅中國風。原來件衫係美國設計師Diane Freis自家品牌，Joise話好鍾意Diane Freis嘅設計風格，已經幫襯好多年。
佢啱啱接任國際華商協進會會長，話上任後首要任務係擴大會員規模，把握中港台和諧發展嘅契機，積極擴張會務及會員們嘅商機。佢老爺係有「關島王」之稱嘅福建社團僑領陳守仁，加上有老公陳亨利做私人顧問，相信對佢將來嘅工作如虎添翼。
陳趙滿菊着嘅桃紅色鬆身外套，係Diane Freis自家品牌。（余素月攝）