政壇:鐵頭仁被圍吹喇叭

自政改方案一役後,人民力量同白鴿黨勢成水火,兩幫人如果同時在場,小則口角大則動武。白鴿黨主席鐵頭仁尋日下晝出席一個以「內地與香港矛盾」為題嘅街頭論壇時,又畀幾十個人民力量支持者狙擊,一路包圍鐵頭仁,一路鬧佢,仲喺正佢耳邊吹喇叭。但最好笑係班人力支持者叫鐵頭仁「回水八千」,唔通認為鐵頭仁有機會做特首?

畀大班人包圍騷擾嘅鐵頭仁,都唔知話佢淡定好抑或反應慢,全程只識坐喺度,冇出聲冇反應,擾攘咗一陣,論壇最終被迫腰斬,而鐵頭仁亦要叫差人幫手開路,至可以安全離場。其實白鴿黨係時候諗吓有乜嘢方法對付人民力量,再係咁落去,白鴿黨都唔使旨意可以成功落區宣傳。 

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報