SUN微博：唐家大宅秘密圖則流出

「後面掘咗個窿用嚟擺放雜物，就係咁多嘅啫。」

—唐英年

再就僭建風波回應，唐英年或避而不答，或重複早前答案，僅補充上述句子。住咁大間屋都唔夠，仲要掘多個窿嚟擺「雜物」？你知唔知有幾多人住劏房，你間雜物房又等於幾多間公屋？如果個池底天窗突然爆咗，水淹紅酒……呀唔係，水淹雜物先啱，一定大快人心。

#打橫嚟講#

彭志銘

次文化考古學家，對城中潮語有深入研究，博徵博引，廢官廢人行埋一邊。

每次聽到代表泛民出戰特首的何俊仁講理念、談策略、說政綱時，總感慨香港的政治人才死晒去邊呢？如斯一舊飯的人形物體，無台型、無大志、無威脅性、態度曖昧成pat嘢咁，確有損港人支持民主的熱愛。

不諱言是陪跑的何俊仁，未打先輸，還說甚麼上陣只為狙擊豬狼二人對六四的睇法、踢爆他們不敢向地產霸權的宣戰、甚或反對小圈子選舉……等等一大堆食老本的八婆廢話，這些小兒科口號，有大把中學生講得比你好啦！

最頂不住的，是這泛民推選出來的一pat嘢，由始至終，都沒做過任何「真正選舉工程」的最基本工夫，就是成立一支可能有機會執政管理香港的「內閣」班底，整日話「特首」係早由阿爺欽點定，喻做嚟都係無機會的，嗱！梁振英原先民調見紅，家陣咪領先唐唐幾個馬位，叫阿爺另眼相看！如果你何俊仁有七八十分的話，再入西環食早餐又有幾難呀？仲未計豬狼二人發生意外出缺的可能性啊！人哋唔畀係一件事，自己懶、蠢、低能而唔做嘢又係另一件事，機會只畀有準備的人。

你班泛民又話今次係一個預演，目標係下屆特首直選，咁為何不好好利用這趟機會組織個見得人的班子，給市民信心，覺得你哋能管治香港的呢？

勿說五年後的特首選舉，就是今年九月的立法會選舉，已叫人擔心。

你點睇權貴高官僭建　

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！