政壇：陳淑莊情人節留家養病
前日情人節個個都一雙一對，但被指「剩女」嘅立法會議員陳淑莊（Tanya），自前年同男友甩拖後，至今依然形單影隻，仲慘到要匿喺屋企養病。呢幾日Tanya喺立法會都戴住口罩，佢話因為上禮拜開始大感冒、發燒，就算喺屋企都着晒厚衫冚埋被，但一滴汗都流唔出，似乎病情好嚴重。不過，好彩佢仲識講笑話，睇嚟要裝番個平安鐘畀自己喎。
其實單身人士都可慶祝情人節，但Tanya大病中，所以前晚冇慶祝活動，純粹留喺屋企休養，仲話二月十四、三月十四定係七月十四，佢都係咁過日子，見佢咁豁達，相信大家可以放心。
