表揚傑出港人嘅「香港精神」活動尋日舉辦第三屆啟動禮，升呢做活動召集人嘅全國青聯副主席陳仲尼（Rock）都有出席活動，阿Rock○八年曾因中風導致面癱，一度無法上班，幸好太太同家人悉心照料，以針灸同氣功雙管齊下治療，終於生猛番晒。佢話患病後明白人生無常，更珍惜家人。
過去兩屆已有十三位香港精神大使誕生，今年又點呢？阿Rock呻搵叻人參選好困難，叻人唔係怕醜，就係怕出名，有獎都唔敢攞。
陳仲尼（左二）同梁宏正（右一）呼籲市民踴躍提名傑出港人，兩位香港精神大使黃榮新（中）、梁欣欣（右二）同評審蘇麗珍（左一）都讚好。
