政壇：搞搞政：陳新滋招聘傳理系雙核
特首選舉是非多，爆出特首參選人民調早洩醜聞嘅浸會大學交代事件後，正處於復原階段，尋日校長陳新滋透露，未來嘅傳理學院會推行孖咇制，即係除招聘一個傳理學院院長外，仲會請多個副院長，避免再有麻煩事。
陳校長尋日同各大傳媒高層聚會，講起傳理學院依家群龍無首，佢話已經展開招聘新院長，估計要半年時間招聘，為咗令院內高層更掌握香港情況，陳校長仲打算新增一個副院長職位，由本港資深傳媒人坐鎮，希望以後就唔會撞咁多板啦。
陳校長尋日趁機推銷呢個副院長職位，仲話冇博士學位都唔係問題，事關要搵一個有博士學位嘅人唔算難，但要搵一個縱橫傳媒界嘅人就難過登天喎。雖然講得好輕鬆，如果真係由一個冇番咁上下學術水平嘅人出任副院長，做到都難以服眾，到時或者會惹嚟另一啲批評。
設計圖片及對白