政壇：星之子22歲做校董
剛取得科技大學電子及計算機工程系學士學位嘅「星之子」陳易希，同朋友合資開辦咗間專門研發智能手機apps嘅科技公司，積極發掘人生第一桶金。埋首創業之餘，佢亦不忘飲水思源，回到母校中華基督教會譚李麗芬紀念中學，以年僅二十二歲之齡出任學校法團校董會校友校董一職，成為該校最年輕嘅校董會成員，為母校嘅發展出一分力。
話說該校剛剛於去年成立法團校董會，早前廣徵歷屆校友出任首屆校友校董，其中「星之子」獲得唔少校友大力推薦，仲成為選舉中嘅唯一候選人，喺冇對手、零壓力之下，輕易登上校友校董之位。
陳易希喺無對手之下，當選母校法團校董會校友校董，成為最年輕嘅校董。（資料圖片）