SUN世代：亞洲社交舞賽跳入三甲
不說不知，何麗明不但因學跳舞而重拾自信，更曾代表香港參加亞洲區社交舞比賽，最好成績曾入圍三甲，「其實同亞洲其他地區相比，香港嘅選手大部分都係業餘的，有自己份正職，要放工之後先有時間練舞，所以入到頭三名，成績算係有所交代。」
隨着工作漸忙，何麗明已慢慢淡出，未有再參加比賽，但閒時，她仍會一展身手，與丈夫或朋友比「舞」一番，「其實生咗小朋友之後，已經跳少咗好多，不過踏入龍年，我都想跳番多啲，可以keep吓fit，哈哈！」
作為舞林高手，何麗明可有想過，把一身好舞藝授予現年七歲的兒子？「唔會逼佢學喇，驚逼佢反而會令佢反感，如果佢第時自己想學，我先再搵人教佢啦！」
夫婦倆育有一子，一家三口樂也融融。