女童軍香港總監彭徐美雲趁新春同老公彭曉明、大仔Victor彭穎生暢遊泰國布吉避寒。充電返港嘅彭太講起布吉遊就興奮，原來自南亞海嘯後，彭家都暫避遊泰國，今年重返布吉，入住五星級嘅SALA Resort總統套房，環境綠草如茵，吸啖空氣都清新啲。
彭太話熱愛陽光與海灘嘅彭生，把握機會曬日光浴；Victor就陪媽咪漫步海灘畔，吹吹海風。入夜後，一家三口喺套房出面嘅大花園食燒烤大餐，邊欣賞海景，邊品嘗多款法國頂級佳釀，人生一樂也，所以佢話一年豪一次，幾貴都值得。
彭徐美雲（中）同老公彭曉明（右）及大仔（左）住總統套房，喺海景花園歎燒烤大餐。（被訪者提供）
