龍年春節過後，出外度假嘅人都返晒嚟，聯合國兒童基金香港委員會主席陳晴（Judy）日前出席一個新春酒會時就透露，農曆新年期間，首次帶埋B仔上北京度歲，更大放煙花、炮仗，認真開心。
難得與北京親友敍天倫，Judy冒寒捲起衫袖包餃子，但屋企人中最開心嘅就係外公、前國務院港澳辦副主任陳佐洱，可以見到一歲大趣致外孫，Judy話，囝囝領悟力強，八個月大識叫媽媽，近日仲學曉行路，聽落認真有神童嘅特質。
陳晴帶住一歲大嘅囝囝初次上北京度新歲，與親友樂也融融。
