有「鋼琴公主」之稱嘅孫穎琴藝不凡，投資更加樣樣準，投資房地產賺唔少，嚟緊嘅五月更會出書，將自己買賣豪宅嘅經驗同大家分享。
咁都未算，佢仲投資畫作，佢早前購入四幅由俄羅斯女畫家畫嘅作品，近排都有買家睇中，用十幾倍價錢想同佢收購，孫穎話：「呢個女畫家住喺深山，冇電腦冇電話，我係託一位歐洲鋼琴大師先買到，每幅一萬美元。後來我有位朋友對呢四幅畫好有興趣，想用一百萬人民幣購買。」
佢本來打算用嚟收藏，但朋友太鍾意，佢惟有割愛。
孫穎買咗俄羅斯畫家嘅作品，獲朋友以每幅十幾倍嘅價錢收購。
