政壇：鐵頭仁盲目講口岸發展
泛民多位議員都冇回鄉證，好似白鴿黨嘅何俊仁咁就二十幾年冇返過內地，尋日佢出席航運交通界諮詢會時，有業界人士問鐵頭仁當選後點樣解決本港各邊境口岸嘅交通擠塞問題，佢直認自己冇返內地二十幾年，對各個口岸嘅發展真係一無所知，只可以攞住啲數字睇吓市民過關用咗幾多時間。
作為泛民嘅特首參選人，鐵頭仁直認唔了解口岸多少都會蝕章，不過，諮詢會主持人唔知係想鼓勵佢定寸佢，笑言：「你做到特首（中央）實畀你述職嘅！」鐵頭仁就好尷尬咁回應，話《基本法》都冇寫明特首一定可以返大陸。
何俊仁直認自己冇返內地二十幾年，對各口岸發展一無所知。
