政壇：潘佩璆買枇杷膏止咳

過年期間連日低溫，好多人都身體抱恙，本身係醫生嘅立法會勞工界議員潘佩璆都中招，日前我哋就喺金鐘海富中心一間藥房見到佢選購中成藥，原來佢打算買盒川貝枇杷膏醫喉嚨乾咳喎。

潘佩璆話，每當染小病，都會服用中成藥，而川貝枇杷膏就係由細到大都食開，所以間中都會買番一樽嚟看門口。佢又話，以西醫角度睇，患有傷風感冒，痊愈嘅關鍵就係多啲休息，但中藥服後唔會令人昏昏欲睡，所以中藥咁多年來都廣受大眾歡迎。

第一手消息請下載on.cc東方互動iPhone/iPad/Android Apps


「Money18免費即秒股票報價網站」現推出8升級功能，財經資訊，實時實發！

潘佩璆話中成藥可有效止咳，而且又唔會眼瞓。