尚餘唔夠五個月任期嘅夕陽政府，未做嘅蘇州屎仲有一籮籮，當中最棘手嘅包括商界喊打嘅《競爭法》同禁止立法會議員辭職後再參選嘅「出缺機制」，避免夜長夢多，呢兩項敏感法案都唔能夠留畀下屆政府處理，所以要開夜車趕及六月底換屆前提交立法會審議同通過。
其實議員喺暑假之前已經要通過大量法案，如今仲要提早一個月趕喺政府換屆之前搞掂埋上述兩條法案，搞到臨收工仲要班公務員甚至立法會議員陪佢哋一齊加班開夜車，真係害人不淺。
