香港科技協進會前副會長余永賢尋日宣布參選特首，講治港政綱時仍有板有眼，但到答問環節時，佢就好似棟篤笑上身咁不時妙問妙答，期間最少兩次喺答問題前高音「Oh！」一聲，相當生鬼。
佢被問及是否須平反六四時，話當時中國採取果斷行動係正確嘅，但語音未落又突然話遺憾冇水炮同橡膠子彈喎，講講吓仲宣稱美國已經歧視咗中國一百年，到咗最近至得到平反，又話當年英國賣鴉片，一百年都未平反啦！有記者即時追問係咪二○八九年至可以平反六四？余教授唔知係咪自知講錯嘢話唔係，強調平反始終要較長時間喎！
香港科技協進會前副會長余永賢
