SUN世代：泰拳煉意志 烹飪練耐性
歐陽永權的興趣很極端。一陰一陽，既愛泰拳，又愛下廚。在他眼中，泰拳可以鍛煉意志，烹飪則可練耐性，各具特色，正好用來改善自己不足之處。
原來歐陽永權學泰拳源於一則新聞。年半前，發生的菲律賓人質事件，「嗰時覺得一定要學識保護屋企人！」他又認為打拳有如人生，「trainer打埋嚟，好多時候係無得避，就好似人生路上遇到困難，未必有人幫到你，最終都要自己諗方法解決。」男人一到四十，就出現中年危機。歐陽永權笑說，「打拳可以強身健體，無咁容易老。」
說到另一興趣，歐陽永權有如專家滔滔不絕。一個星期，至少下廚兩、三次。拿手菜是難度極高的「豬腳凍」，和菜式名字極長的「香茅南乳花椒八角焗雞」。「煮餸好考耐性，好似醃嘢要預早兩個鐘、蒸魚又要等。所以好多嘢都無得急，一定要按部就班。」
歐陽永權（左）與泰拳教練合照。