政壇：媽打五姊妹回到出嫁時
社交名人Olivia李桂蘭姨甥女Anne同外籍男友John去年底喺美國結婚後，日前回港筵開四圍，宴請女家親友。家姐「媽打」李麗娟於是號召四姊妹走去旺角租裙褂，一齊着住出席宴會高興吓，「五朵金花」齊齊回到出嫁時。
除咗五朵金花外，李家仲有四個男丁，即係共九兄弟姊妹。Olivia話，大家平日分散美加及香港，已有四十五年無聚埋一齊過新年，今次難得二家姐嫁女，李家成員又排排坐聚首一堂慶新春。
講到龍年願望，Olivia話子女開心已心滿意足。佢囝囝戴尚安今年有意籌組影視製作公司，千金戴尚蓮喺英國Burberry公司擔任創意媒體總監，佢當然飲得杯落啦！
李家「五朵金花」齊着裙褂，右起：李桂蘭、李麗娟、李桂娟、李美娟及李清娟。（被訪者提供）
社交名人Olivia李桂蘭姨甥女Anne同外籍男友John