SUN世代：罐王之女做足200分

羅頌宜是「香港罐王」羅富昌的長女，因爸爸是個完美主義者，自細受到薰陶，她也養成了一種執着，凡事都會盡二百分努力。論打理家族生意，還是外闖公關界，她都堅持做到最好。但為了責任，羅頌宜選擇回巢，為家族生意打拚，多年來捱過不少難關，縱然現已退下火線，只擔當顧問角色，並重返公關界，但不論身處哪個位置，她都堅持要「做好份工」。

「爸爸做咩都要求好高，所以我都要做到最好，唔想令爸爸失望！」羅頌宜自細喜歡藝術，三歲學琴，其後入選香港兒童合唱團，因表現出色，入選出國組，九歲已代表香港到澳洲參賽，大學選科時曾想修讀音樂系，但被爸爸一句「你唔係諗住之後拎住個袋去流浪呀？唔係諗住朝不保夕，無錢食飯呀？」羅頌宜未有揀選音樂系，反而選讀建築系：「大學第一年，有次我去咗建築系Studio，睇到建築模型同畫，就有一種強烈感覺，突然覺得呢個就係我最鍾意嘅嘢！之後我膽粗粗搵建築學院院長叩門，院長畀我嘅熱誠感動，畀我試讀一個學期，點知我一讀就愛上咗！爸爸都好支持我呢個決定。」

羅頌宜凡事都有份執着，堅持做到最好。回港後，她做過室內設計及公關工作。由於表現出色，入行公關界短短九個月已經升職，未做夠一年就被挖角。外闖多年，她在一次參與家族公司的聚會時被爸爸召回巢，「嗰晚我畀咗好多意見，爸爸見我有見地，於是開口話與其幫人搵錢，不如返嚟幫我啦！」

身為長女，她擔起家業，因沒有營商經驗，為了做好這份工，她到中大修讀工商管理碩士，豐富從商知識。但做生意還是要靠實戰經驗，她只好一路做一路學：「初初入公司乜都唔識，想由低做起，不過爸爸覺得我有諗頭，叫我做巿場部經理，頭一個月好大壓力，爸爸係完美主義者，有次佢問我入嚟一個月究竟有乜貢獻？」

毅力戰勝文化差異

為了搞好內地廠房，她只好硬着頭皮，「女仔唔鍾意去內地，覺得好污糟，好落後，況且我外國長大，文化衝突好大！」其中最難忘是參與哈爾濱設廠計劃，因要收購四個國企廠房，計劃龐大，由買地、添置機器、洽談供應商，她都一腳踢：「內地做生意嘅文化同香港唔同，關係好重要，又要同啲人食飯飲酒，真係飲到怕，好在最後計劃完成咗，無令爸爸失望。」

羅頌宜現時已退居「幕後」，為家業搏鬥的重任交到弟弟手中，她間中只擔當顧問。責任輕了，她開始重操故業，做回自己喜歡的公關工作，但不論身處何位，她都堅持做到十全十美。

羅頌宜小檔案

現　　職：

蘭桂坊地產集團中國區巿場推廣總監、永富容器集團有限公司董事

學　　歷：

美國卡內基梅隆大學建築系學士、香港中文大學工商管理系碩士

部分公職：

香港青年獎勵計劃理事會委員、香港中華總商會青年委員會常務委員、香港青年聯合會賢慧社委員、廣東省江門巿蓬江區政協會員、黑龍江省工商業聯合會執行會員、黑龍江省青年聯合會常務委員