政壇:莎莎太子女代龍胎收利是

莎莎太子女Melody郭詩慧同老公Davis陳振邦,尋日入馬場為愛駒「綻放美麗」打氣,可惜無緣拉頭馬。見Melody腹大便便,原來仲有兩個月就產子,但佢懷孕期間長胎唔肥人,無他,秘訣係照樣返工搏殺。佢仲話未必放足「前四後六假」,做嘢要緊。雖然「小龍B」未出世,但已吸引世叔伯畀利是。

新界鄉議局主席劉皇發尋日就最Lucky,佢匹團體馬「精彩日子」喺第十場大發神威,臨尾發力衝上捧走「賀年盃」,佢同囝囝劉業強即時笑晒,獎金高逾一百萬元,呢封大利是認真和味。

第一手消息請下載on.cc東方互動iPhone/iPad/Android Apps
「Money18免費即秒股票報價網站」現推出8升級功能,財經資訊,實時實發!

莎莎女婿陳振邦(左)同太太郭詩慧(右)期待小龍B出世,心情興奮。