前晚維港綻放嘅煙花係由灣仔中西區工商業聯合會獨家科水，主席李鋈麟同會長李三元認真夠面子。李鋈麟心情靚爆，預測龍年恒指如飛龍在天，但樓市因內地銀根收緊，想彈都彈唔起。
仰望繽紛夜空，李鋈麟睇到眼濕濕。佢語帶激動咁話，兒時家貧，每次睇煙花騷都開心到震，今次由自己出錢放，好似發夢咁high。
李鋈麟（左）同細佬李鋈發（右）出錢放賀歲煙花，開心到瞓唔着。
李三元夫婦（左二及右二）同大仔曠怡（左一）、細仔仲怡（右一）大讚龍年煙花夠特色。
