政壇:搞搞政:嫻姐赤口批夕陽政府無作為

尋日大年初三又凍又落雨,着咗兩件羽絨嘅工聯會副會長陳婉嫻同立法會議員KK黃國健,喺黃大仙派風車同賀年書籤畀班街坊。

唔知係唔係因為「赤口」,講起前日新界鄉議局主席劉皇發喺車公廟幫香港求嗰支中籤,嫻姐即時扯火鬧政府,佢話市民咁多衝擊行動,夕陽政府都唔可以怪市民,又話因為政府無所作為,至會搞到香港人畀人睇死,所以政府一定要求變,仲提醒啲特首選舉參選人,如果唔打算改變政府就唔好參選,話「唔好再嘥我哋五年!」

至於車公靈籤提到嘅「神」同「鬼」,KK就話籤文未必係講人嘅,又話求得中籤可能係寓意香港將會多變數,「政府肯改嘅咪上籤囉,仲係咁hea做嘅話就變下籤㗎喇。」

第一手消息請下載on.cc東方互動iPhone/iPad/Android Apps
「Money18免費即秒股票報價網站」現推出8升級功能,財經資訊,實時實發!

設計圖片及對白