政壇：舊聞炒起吉汽股價兔仔彈
兔年即將過去，估唔到屬兔嘅吉利汽車主席李書福都行個「兔尾運」，公司股價無端端因一單舊聞炒起百分之十，市值多咗成十六億元。
按魚缸中人嘅說法，除因有家歐資行早幾日將吉汽列入「利是股」推介之列，更多人炒作嘅消息，就是吉汽嘅「帝豪EC7」房車，喺歐洲新車安全評價組織（EuroNCAP）撞擊測試中，成為首款獲四星安全等級嘅中國國產品牌汽車，為呢款車拓展歐洲市場打下重要基礎。
吉汽股價借消息炒上本來冇乜特別，但奇就奇在「帝豪EC7」今次獲EuroNCAP四星安全評價嘅消息，早喺上個月中開始已廣為汽車行業所流傳。舊聞都炒起股價，難道真係行運行到兔尾？
李書福都行個「兔尾運」，公司市值多咗成十六億。