政壇：80後區議員開港菜餐廳
年僅二十八歲嘅仁濟醫院副主席Baldwin鄭承峰，上個月獲委任為東區區議員，而佢亦喺商界大展拳腳，佢斥資逾千萬元開設嘅香港菜食肆「壹玖捌叁」日前開幕，仁濟一眾總理同老友都去撐場，連法國五大酒莊之一瑪哥酒莊（Chateau Margaux）董事總經理嘅囝囝Thibault Pontallier亦畀面到賀，Baldwin從事嘅靚酒生意，兩人合作多年，可為品味相投。
點解間餐廳叫「壹玖捌叁」呢？原來一九八三年係Baldwin出生年份，打正旗號話畀大家知，佢係散發正能量嘅80後喎。
仁濟總理齊撐鄭承峰（左二）食肆開幕，包括周德興（左一）、黃美斯（右一）同馮卓能（右二）。
啖啖豪氣嘅鵝肝蝦餃及鮑魚燒賣。