政壇：新法書院停辦建豪宅
老牌私校「新法書院」最後一間位於何文田文福道嘅校舍，今年七月後將停辦，換言之「新法」is dying。曾於大坑道新法書院任教一年嘅立法會議員葉劉淑儀，對新法書院全面停辦大表惋惜，慨嘆地產當道，書院也難逃清拆命運。
據稱，新法書院創辦人王氏家族旗下嘅公司，近日再向城市規劃委員會申請將學校清拆，重建為一幢有兩層地庫嘅十層高運動訓練中心連住宅大廈，提供十八個豪宅單位，有關申請料過關機會甚大。
「新法」全盛時期有四間分校，女生水手校服更曾係學界經典。城中唔少名人都喺「新法」度過那些年，當中包括商務及經濟發展局前局長馬時亨、玩具大王蔡志明同立法會議員詹培忠等。