「破紀錄」大感意外

【本報訊】沙田醫院曾因在院內內科及老人科病房推行「防跌倒、無約束」計劃，成功保持每千名病人住院日數中，少於一名病人曾跌倒的佳績，更獲醫管局頒傑出團隊獎。病人組織對於該院「破紀錄」接連發生病人跌死個案都大感意外，認為醫護在執行無約束的療養醫院工作，需更有警覺性。

沙田醫院推行無約束計劃，特意規劃病床分布，將較容易跌倒的病人病床安排至最近當值護士位置、購置較矮的病床及加裝有響鬧裝置的坐墊等。病人互助組織聯盟副主席張德喜分析，是次死者都屬男病人，自尊心較重，卻更易跌倒，「男長者一般唔接受用尿壺或尿片，寧願堅持自己行去廁所，可能因為死頂就跌親」。他認為，醫護人員需小心評核長者的能力：「唔好佢話得，你就盡信！」至於有病人燒傷，他認為絕對是人為疏忽，認為醫護需以安全第一為目標，「今次佢燒傷，下次拉鬆咗個電掣或者摸個插蘇，就唔係受吓傷咁簡單」！

社區組織協會幹事彭鴻昌則認為，今次兩宗個案屬個別個案，該院整體的護理質素也不太差，「但當然唔希望再發生落去啦」！他又認為，病房服務助理需在醫護程序及態度上有足夠培訓，否則有足夠醫護人手也沒用，「有好多人，但幫唔到手都係紓緩唔到工作壓力」。