華裔時裝設計師譚燕玉（VIVIENNE TAM）喺美國同華人時裝界享負盛名，新一年，佢又獲內地第十一屆星尚大典嘅「星尚國際設計先鋒人物」獎項，VIVIENNE感謝大會嘅肯定，又喺大典上公開自己SS12嘅系列時裝，呢個系列秉承佢過去中西合璧嘅特點。
VIVIENNE嘅作品獨樹一幟，依家已經有多個作品畀美國大都會博物館等永久收藏，新一系時裝展出時，佢精緻講究、且富實驗性嘅作品又贏來與會者關注，當模特兒擁住佢登場時，VIVIENNE笑得比攞獎更開心。
VIVIENNE（右）獲獎後，又喺大會上展出新一系列設計。
譚燕玉（左）時裝設計中西合璧。
