意大利郵輪「協和號」觸礁，引發郵輪遊嘅討論，理文造紙主席李運強卻話冇有怕，仲計劃四、五月間同太太坐郵輪去地中海一帶暢遊添！
李運強話，好享受海上風光，所以會繼續郵輪之旅，而且現今航海技術好安全，加上協和號嘅事件多數係人為因素造成，所以無損佢對郵輪旅遊嘅信心。
佢同太太打算四、五月先去旅行，唔通係想等囝囝李文斌卸任仁濟醫院主席後，有時間陪兩老出埠度假？李運強笑笑口話，等阿仔卸任係真嘅，但唔係同佢一齊出去玩，而係等佢有時間睇實間公司，佢同太太咪可以放心盡享二人世界囉！
李運強夫婦打算四月之後坐郵輪遊地中海，公司業務交由囝囝李文斌打理。
