貿發局尋日舉行「香港．華麗秀」時裝騷，城中男士爭住先睹為快。廠商會常董方平自爆鍾情着西裝，曾試過搵師傅度身訂造，雖然啱身，但款式平庸冇驚喜，尋尋覓覓，發現意大利名牌Zegna最合眼緣。但腰間三十八吋「士啤呔」難買褲，方平六年前決心減肥，幾年間瘦腰五吋，依家得番三十三吋，買Zegna西裝話咁易。簡直係削足適履嘅現代版本。
東華總理Vinci王賢誌都加入收身一族，為着時興窄身西裝努力keep fit，仲將舊西裝拎去改短改窄，時刻警惕自己唔肥得。
方平為着Zegna西裝，努力減腰五吋。
王賢誌將闊西裝通通改窄，提醒自己唔肥得。
