政壇：Vivienne Tam大露背搶鏡
尋日沙田馬場舉行Kent&Curwen（K&C）百週年紀念短途盃，嘉賓為配合大會主題，紛紛着上紫色衣物撐場，國際知名時裝設計師Vivienne Tam譚燕玉都有嚟湊熱鬧，仲出動到自家品牌添。佢着住紫色珠片連身裙加黑色長靴，戴上紅色皮帶Omega鑽石手錶，襯到絕。佢唔覺意一轉身，原來佢背面仲有個大露背deep V，非常養眼。
Vivienne自言好鍾意紫色，話呢一身打扮係想製造opera（歌劇）效果喎。身為名設計師，佢好欣賞K&C設計，覺得好有古典味道，但又不失趣味，尤其係一啲細小嘅圖案好別致。
Vivienne想憑件紫色裙製造歌劇效果。
典雅嘅紫色裙後面，係一個大露背。