政壇：搞搞政：潘潔邱誠武下屆冇得玩
煲呔曾○八年五月喺問責制進行僭建，先後委任共十名副局長，佢哋嘅任期到今年六月三十日屆滿。
我哋綜合政界各方消息，至少一半曾出任副局長嘅問責官員有得留低，但有副局長亦會被叮走。好似環境局副局長潘潔同運輸及房屋局副局長邱誠武，上場三年半幾乎未做過一齣好戲，前者對環保政策唔熟書，後者亦未能及早掌握持份者同市民對交通運輸政策嘅脈搏，反而不時需要直屬局長出手，為佢哋補鑊，相信兩人冇得留低嘅機會好高。
表現中規中矩嘅財經事事務及庫務局副局長梁鳳儀同民政事務局副局長許曉暉則面對同一情況，由於直屬局長陳家強同曾德成至今未有離任嘅風聲，梁、許兩人能否再坐一會，視乎兩人能否喺下屆政府「升級轉型」。
設計圖片