政壇：政商定格：姚珏母女同登銀幕
國際著名小提琴家姚珏首度登上大銀幕，電影仲會喺下個月上映添！佢一人分飾兩角，電影中當然唔少得表演佢超卓小提琴造詣。佢分享時話當首次聽到呢個以音樂學院為背景嘅愛情故事時，已深受感動，所以當被邀請參演時，佢就一口答應，獻出佢銀幕嘅第一次。
姚珏嘅細女Clara亦有參與演出，佢話囡囡自幼熱愛表演，又話：「為人父母最大嘅喜悅莫過於看見仔女能喺人生中找到屬於自己嘅舞台，盡展天分。所以，能夠同囡囡一齊參與電影演出，對我嚟講，係一項既特別而有意義嘅親子活動。」
姚珏嘅表演舞台由音樂廳變成大銀幕，透過新嘅平台令更多人享受佢嘅琴音。
細女Clara喺戲內飾演小齊嘅學生，小小年紀已在戲中盡展其表演天分。