政壇：政商定格：菁英會行運夾錢養馬
香港菁英會新一批會員上月誕生，玩具公司太子爺Albert潘偉業日前聚會，包括「莎莎女婿」Davis陳振邦、「化妝品王子」Jackie陳錫銘、金融才子蔡尚圻同汽車電池公司太子女何稼珉等十多名新丁撐場。
Davis外父郭少明近年馬運亨通，聽聞佢貼馬眼光都有番咁上下，不時帶挈唔少菁英同學贏大錢。正因為咁好運，同屆菁英人就提議夾份養番匹團體馬，仲連名都改埋，有人話不如叫「菁英十二」，佢好雀躍話呢個構思有得諗喎！
「莎莎女婿」陳振邦（左）同「化妝品王子」陳錫銘（右）都係扮靚專家。
