農曆新年就快到，港鐵行政總裁韋達誠（Jay Walder）日前同港鐵一班義工同事，到訪鄰近港鐵彩虹站嘅東華三院龐永紹長者鄰舍中心，見到長者寫揮春，佢躍躍欲試玩埋一份。不過，寫毛筆字一啲都唔易，中國人都要苦練過至寫得靚，何況係初來乍到嘅洋人呢？只見一位婆婆幫佢扶實毛筆嘅上半部分，從上帶領韋達誠，似足教小學生寫大字。
今年應該係佢首次喺香港過農曆年，佢好雀躍咁同大家拜早年，講聲：「恭喜發財！」佢仲祝市民有個快樂、健康同豐盛嘅龍年。
韋達誠（中）學寫書法揮春雞手鴨腳，幸有婆婆幫佢扶實支毛筆。（港鐵提供）
