逾百名經紀、投資者同餐飲業人士尋日響應證券及期貨從業員工會嘅號召，遊行到港交所抗議三月實施第二階段港股加時，佢哋高舉「小加你好，再加離譜」、「打壓細行，迫入死巷」同「佳理變歪理，有佢就冇理」等橫額同叫口號，又即場「打爛飯碗」。大會話參與人數有一千至一千一百人，而警方就估計約有四百人。
期間，港交所主席夏佳理同行政總裁李小加等親自出嚟接信，仲畀在場人士大喝倒采。不過，港交所企硬加時會如期落實嘞。
夏佳理（右二）同示威者握手接信。
