政壇：梁青華愛駒較技三甲不入
兩匹同主團體馬「無敵福星」同「無敵駿駒」尋晚同場較技，佢哋嘅馬主包括喜運佳常務董事「華哥」梁青華、醫生韋基豪、代理瑞士名錶寶齊萊嘅名譽主席同行政總裁曾國雄等。本來自己鬥自己互相激勵係好事，起碼拉頭馬嘅機會倍增，喺開跑前，一班馬主仲意氣風發咁等拉頭馬，點知最後兩匹馬三甲不入。
梁青華（左三）同友人林先生（左一）、曾國雄（左二）、韋基豪（右三）、林太（右二）及太太（右一）入馬場撐愛駒。