阿Ken現任美國辛辛那提交響樂團助理指揮同辛辛那提青年管弦樂團指揮，亦係室內合唱團「香港和聲」音樂總監同香港室樂團首席指揮。佢坦言香港太少藝術空間，又缺乏有勢力嘅社會人士去推動，所以好難培養出優秀指揮家。但佢補充話，香港唔係冇藝術文化，只係港人太忙，假期太少，冇時間去欣賞音樂啫。阿Ken話姨丈好支持佢做音樂，但姨丈始終唔係音樂人，所以轉做佢嘅形象指導，仲介紹咗個裁縫畀佢，度身訂造表演服裝。
林敬基話做指揮好奇妙，唔同嘅指揮可以奏出完全唔一樣嘅樂聲。（林敬基提供）
方剛介紹個專業裁縫畀姨甥林敬基，為佢度身訂造表演服裝。（資料圖片）
