政壇：機場賣出「888」美酒創紀錄
機管局行政總裁許漢忠尋日好開心咁話，機場嘅免稅店最近發生咗件大事，有內地豪客一眼睇中咗一間店舖嘅鎮店之寶，好豪爽咁畀咗八十八萬八千港元，即係「發發發」，買咗一支上世紀三十年代出產嘅Glenfiddich 1937威士忌，創下本港機場售出最貴嘅美酒紀錄。根據Glenfiddich網頁資料顯示，該酒在2001年上市定價約六萬港元，十年間升值十幾倍。不過，相比新加坡樟宜機場舊年九月創下嘅紀錄仍差咗一大截，當時一支有六十二年歷史、全球最後一支待售嘅Dalmore62威士忌，又係畀內地豪客出手二十五萬坡紙（約一百五十萬港元）抬走。