細孖激動險跟住跳

【本報訊】「我安全帶都未除，個女仔（大孖）已經開咗車門，爬上圍欄唔夠十秒就跳咗落去，救都救唔切。」接載孖女的陳姓的士司機被大孖的跳橋舉動嚇呆，對於無法救回大孖性命感到惋惜難過。

陳表示，孖女在尖沙咀滿身酒氣吸住煙上車，的士駛至柯士甸道龍堡酒店後，兩人已開始爭吵。細孖直斥大孖「依家幾點呀，正常人都瞓咗覺啦」，又怪責大孖經常飲醉酒，嘔吐之餘又打爛物件，惹上麻煩又要家人擔保。大孖聽後反應激烈，怒吼「信唔信我舂你呀，最多咪判一百小時服務令」，兩人隨即互相推撞，大孖掌摑及扯細孖頭髮，更圖將她的頭按落車底。

陳形容，兩姊妹愈吵愈激，細孖終報警，又叫他向警員報告位置。陳打死火燈將的士停在橋邊，大孖即從左邊車門衝出攀上圍欄，身體向前衝，陳來不及除下安全帶，大孖在圍欄逗留不足十秒，已飛身躍下橋底。細孖亦一度欲開車門追出，陳恐她有意外，慌忙頂住車門，三十分鐘後警員才到場。