SUN熱辣：霸公屋車場領匯懶理
內地水貨軍團盤據於公屋停車場，霸佔行人通道作貨物處理中心，對附近居民造成嚴重滋擾，部分居民曾就此向房署及領匯投訴，但都不獲受理，變相縱容水貨軍團繼續壯大。
整個內地水貨軍團有逾十人，聚集於停車場旁空地落貨、拆箱再分貨，佔據整條行人通道，現場所見，有人更公然在該處吸煙，令附近居民及學生深感困擾，居民邱先生指出，該批水貨客於上址活動已有近兩個月之久，他說：「初時留意到佢哋好生面口，應該係邨外人，我行過去八卦吓，佢哋就兇神惡煞咁趕我走。」
另一名居民李女士亦對水貨軍團的行為深感不滿：「呢條係我哋行去買餸嘅必經之路，日日都要行，佢哋每日三四點都成堆人企晒喺度，搞到條路窄上加窄，行都行唔到！」